آسر ياسين: مسلسل موعد مع الماضي هيشغل عقل الجمهور.. واللي بيهمني جودة العمل - مصر بوست

الأحد 17/نوفمبر/2024 - 07:21 م

كشف الفنان آسر ياسين تفاصيل مسلسله الجديد “موعد مع الماضي"، والذي عُرض أول حلقتين منه اليوم ضمن فعاليات الدورة الـ 45 من مهرجان القاهرة السينمائي الدولي برئاسة الفنان حسين فهمي.

وقال آسر ياسين في لقائه مع القاهرة 24: موضوع مسلسل موعد مع الماضي شيق ومثير جدًا، أنا بعمل شخصية يحيى اللي اتسجن 15 سنة في جريمة قتل أخته، وهو بيطلع من السجن علشان ينتقم من اللي قتل أخته وسجنه، الناس هتعيش مع الشخصية وتدور وتفكر وتحل اللغز مع الشخصيات، وهيطلع من كل حلقة عايز يعرف الحلقة اللي بعدها إيه اللي حصل فيها.

وأضاف آسر ياسين: مسلسل موعد مع الماضي اتعمل في 8 حلقات، ودي حاجة كويسة جدًا، لأن لو كان أكتر من 8 حلقات هيبقى كتير أوي، ولو أقل هيبقى قليل أوي، وأنا اتبسطت بالتعاون مع زملائي اشتغلت معاهم تقريبا كلهم قبل كده.

واختتم آسر ياسين تصريحاته قائلًا: أنا متجهتش للمسلسلات القصيرة، ولكن هي الفكرة إيه اللي بيليق على القصة، في مسلسلات تستحمل 30 حلقة وفي 15 وفي 8 وفي أقل أو أكتر على حسب القصة، ولكن أنا اللي بيهمني جودة العمل نفسه واللي أقدر أعمل بيه حاجة جديدة.

مسلسل موعد مع الماضي

ويشارك في بطولة مسلسل موعد مع الماضي الفنان آسر ياسين، محمود حميدة، شريف سلامة، شيرين رضا، ركين سعد، محمد ثروت، محمد علاء، تامر نبيل، وهدى المفتي، إلى جانب النجمة صبا مبارك، والعمل من إنتاج محمد مشيش، وإخراج السدير مسعود، وكتابة محمد المصري.