مجموع الحساب غلط.. جدل جديد بسبب فواتير مطعم الشيف بوراك بعد تصدرها التريند
الإثنين 18/نوفمبر/2024 - 11:08 م
تصدرت فواتير مطعم الشيف بوراك تريند مواقع التواصل الاجتماعي، حيث أثارت الأسعار المرتفعة جدلا كبيرا بين متابعي مواقع التواصل الاجتماعي.
واكتشف المتابعون خطأ في فواتير المطعم، حيث ظهر في بعض الفواتير أن مجموع حساب الوجبات المطلوبة في الفاتورة غير صحيح، موضحين أن الإجمالي به زيادة كبيرة عن قيمة الأصناف الموجودة بالفواتير.
جدل جديد بسبب فواتير مطعم الشيف بوراك
وقال أحد مستخدمي موقع التواصل الاجتماعي فيسبوك: دي 3 فواتير ظهرت للفود بلوجرز اللي راحو مطعم بوراك في التجمع، مشكلتي مش الأسعار المبالغ فيها، لأن اللي رايح عارف إنه هيدفع مبلغ كبير، بس يدفع بموافقته محدش يضحك عليه.
وتابع: السيستم بتاع الكاشير مغالط أو مزود في كل فاتورة 1100 أو 1200 قبل حتى الخدمة والضريبة، متقلش عن 1500 جنيه زيادة في الفاتورة الواحدة.
وأوضح: سيستم الكاشير متبرمج على الزيادة دي، لأن دا متكرر في الـ3 فواتير اللي ظهرت، وخد بالك كمان إن غالبا دي فواتير الزبائن، وهيطلع فواتير تانيه للضرايب، سواء كانت ضريبة قيمة مضافة أو ضريبة الدخل، الموضوع ممنهج مش فكرة غلطة دول كمان مزودين الفاتورة اللي بـ 2000 زي الفاتورة اللي بـ 20 ألف.
وتصدرت فواتير لمطعم الشيف بوراك تريند مواقع التواصل الاجتماعي، حيث جاءت قيمة إحداها بمبلغ 20 ألف جنيه، وكان سعر الخدمة في المطعم 2000 جنيه.
