محمد العدل لـ ميرفت أبو عوف: متفائلة زيادة عن اللزوم.. واللي بينتج فيلم بينحت في الصخر
الثلاثاء 19/نوفمبر/2024 - 04:05 م
كشف المنتج والسيناريست محمد العدل، أن إنتاج الأفلام ليس بالأمر السهل خلال الفترة الحالية، حتى وإن كانت صغيرة.
وقال محمد العدل في ندوة توقيع كتاب فن الخيال للدكتورة ميرفت أبو عوف، خلال فعاليات مهرجان القاهرة السينمائي: أنتي شخص متفائل على طول، الأفلام فئات لما أعمل فيلم ويكلفني 100 ألف جنيه في الشارع غير لما أعمل فيلم ويكلفني برضو 100 جنيه.
وتابع: الأفلام الكبيرة مش كتير هما 5 أو 6 أفلام طول السنة، والأفلام الصغيرة صعب جدً إنتاجها واللي بينتج فيلم دلوقتي بينحت في الصخر، اللي بينتج فيلم صغير دلوقتي بيشترك مع 10 علشان ينتجوا فيلم.
ووجه محمد العدل، حديثه لـ ميرفت أبو عوف، قائلًا: أنتي متفائلة زيادة عن اللزوم وياريت نبقى كلنا زيك، ولكن إن جيتي للحق ياما دقت على الراس طبول، خدي تفائلك خطوة لـ ورا شوية، أو خدينا إحنا لخطوة قدام شوية.
كتاب ميرفت أبو عوف بمهرجان القاهرة السينمائي
ويعتبر الكتاب مرجعًا فريدًا يرصد رحلة السينما المصرية منذ بداياتها وحتى العصر الرقمي، ويسلط الضوء على التأثيرات العميقة لهذا الفن على المجتمع المصري، كما يستعرض دور الذكاء الاصطناعي في تحول الصناعة، ويقدم مادة شاملة تجمع بين التاريخ والثقافة وتقنيات السينما الحديثة.
