أحمد سليمان: ندرس عدم انضمام لاعبي الزمالك للمنتخب بسبب الإهمال
الأربعاء 20/نوفمبر/2024 - 10:42 ص
هاجم أحمد سليمان عضو مجلس إدارة نادي الزمالك، حسام حسن المدير الفني لمنتخب مصر، بسبب عدم مشاركة لاعبي الأبيض في مباريات الفراعنة، بتصفيات أمم إفريقيا.
تصريحات أحمد سليمان عضو مجلس إدارة الزمالك
وقال سليمان في تصريحات تلفزيونية: لاعيبة الزمالك مش واخدة حقها في المنتخب، محمد عواد وحسام عبدالمجيد ميلعبوش ليه وهما أحسن لعيبة في مصر؟.
وأضاف سليمان: بصفتي مشرف على الكرة وراجل مسؤول في الزمالك، أنا لازم أحافظ على لاعيبتي محمد شحاتة اتصاب وهيغيب أسابيع، لو الأسلوب ده هيستمر هنمنع لعيبة الزمالك من الانضمام للمنتخب طالما فيه إهمال وإهدار لحقهم.
وتابع: هو أنت واخد لاعيبة الزمالك عشان تركنها على الدكة؟.. مينفعش وإحنا مش هنوافق عليه، عواد ميلعبش ليه وهو مساهم في بطولتين ونادي تاني تاخد منه اتنين لعيبة في مركز واحد، حسام عبد المجيد يلعب تلت ساعة ليه؟، وهوا بالأرقام وبكل حاجة أفضل مدافع في مصر الآن وعمر جابر منضمش للمنتخب ليه ؟؟
وواصل: لو الموضوع هيمشي بالمجاملات خلاص لعيبة الزمالك لازم نحافظ عليهم وهقدم طلب لمجلس الإدارة بمنع اللعيبة من الانضمام للمنتخب، أنا حقي إن عندي لعيبة محترفة بصرف عليها أرفض انضمامهم للمنتخب.. وتاخد لعيبتي وتهملها مش هسمح بيه.
