استمع.. أغنية "اشبعوا مني أنا يمكن أموت" لـ عصام صاصا
طرح مطرب المهرجانات عصام صاصا أغنيته الجديدة "اشبعوا مني أنا يمكن اموت" عبر موقع الفيديوهات يوتيوب.
الأغنية من كلمات محمود سوستا وتوزيع موسيقي كيمو الديب.
وجاءت كلمات الأغنية كالتالي:
اتعودت إن أنا مابقاش على حد في يوم واتعلق
واللي يروح بعتبره مجاش ياما الدنيا دي بتفرق
بايع الدنيا ضاربها طناش والنسيان أصبح مبدأ
قلبي أبيض بس ما بنساش اللي في يوم بيا استهزأ
مش شاغل بالي ومنفض كارف للي كرف واستعبط
عادي ما كل حاجة بتتعوض مش همسك في البايعين
ضحكتي بقت مسروقة بس على العادي وملحوقة
حواراتكم بقت محروقة هنروح من بعضنا فين
خايف أبان إن أنا زعلان لا يقولوا عليا بمثل
فأنا بعمل إن أنا فرحان عشان معاكم اعرف اكمل
قولت اخواتي واديتكو أمان ومجاش في بالي اني اتغفل
فجأه لقيتني إن أنا غلطان وأن أنا قلبي بيتبهدل
عن نفسي هصاحب نفسي مانا طول عمري ما بينكو ومنسي
حلوة الوحدة عشان بتقسي
فاخترت إني ابقى وحيد من امتى بتسألوا عني غير لما بتحتاجوا حاجة مني
لما وقعت محدش شالني كله بيعمل نفسه عبيط
اشبعوا مني أنا يمكن أموت
وممكن فجأة ماتلاقونيش
ليه بقى بيني وبينكوا حدود
ده المفروض أنا غيركم مليش
نفسي في حد معايا على الموت واما احتاجه ده ما يسيبنيش
ده أنا محطوط بين خلق يهود لما بتقدر ما بتعفيش
عمالة في وشي تضلم كل ما أقول هتروق تتأزم
وماليش غيري في نفسي بكلم
ده أنا من كل الناس زعلان في مرايتي واقف متأثر زعلان على عمري ومتحسر
لسه امبارح كنت صغير فجأة كبرت من الأحزان
عادي مجتش عليكي خلاص ابعدي عني وشوفي حالي
ده أنا متباع من أقرب ناس يعني ماجتش على فراقك
من امتى قلبك كان حساس من امتى حسيت بحنانك
كنت بحبك بس خلاص أنا قلبي شال من أفعالك
الناس اللي أنا بأمنهم الغدر ما بيجيش غير منهم حاسس بالغربة وأنا ما بينهم
والمفروض أقرب ناس كلها على بعض بتكدب علشان كده دايما بتجنب
من كدبكم ما بقتش استعجب
اتعودت عليكوا خلاص
عادي يا صاحبي خيانة الناس عمرها يوم ما تموتك
عارف ايه أصعب احساس لما تخونك صحتك
فجأة تحس إن أنت خلاص الدنيا عايزة تغفلك
وتبص تلقى أقرب ناس مستنظرينلك وقعتك
أنا عمري ما كنت اتصور إن أصحابي معايا تتغير كله في نفسه أصبح بيفكر وأنا اللي كنت عبيط مش داري
في الوش بتبقوا حبايبي وفي ضهري تطلعوا عين أهلي
ده أنتوا محدش حبكوا قدي كرهتوني فيكم إجباري
